الشاعر خميس بن سـيف الناوي آل بوعينين

[البوعينين]

الشاعر خميس الناوي , خميس

الشاعر خميس بن سـيف الناوي آل بوعينين

الشاعر خميس الناوي

تعريف الشاعر : هو خميس بن سيف بن محمد الناوي المحمد آل بوعينين

ولد في بلدة عينين ( الجبيل حاليا ) سنة 1350 وتوفي سنة 1395

من اشهر قصائدة

خلي الهموم إذا بغى النوم طاح ونام ... وأنا لا بغيت أرقد حصل ما يجزيني
تقارع هواجيس الضماير قريع حيام .... على جال عدٍ صوعوه الوارعيني
وقلبي كما عسوٍ زوى جذعه الصرام .... متغانمٍ ربعٍ على الهجن مقفيني
برا الحال من كثر التوجاد بري اثمام .... محيلٍ ولاعته اللواهيب والشيني

إلى قوله :

ترى ادواي حـرف الجيم والعين حدره لام .... قدر سـاعةٍ ليمن حصل داعج العيني
سمية سهيل وعنبر الهند يا علام .... مع اللي مقره في غزير المياديني
وسمية تورده المراكب على الدمام ..... وتلقى سميه في كثير الدكاكيني
وترى الأسـم الآخر لاضحك زحزح الظلام .... وغنت له الورقـا رقيق التلاحيني
ورابع سمي العذب من دور عام لعام .... تشتت لأهـل المال عقب المقاطيني

خلي الهموم

المصدر: منتديات البوعينين الأدبية - من قسم: قصائد من ذهب

---

hgahuv olds fk sJdt hgkh,d Ng f,udkdk hgahuv olds hgkh,d olds

[البوعينين]

من قصائد الشاعر خميس الناوي ايضا

البارحة جفني جزا النوم ما امـرح
ولا كن في مقلة عيونـي جواريـح

ولا كـن موقـي بالقليمـي يجـرح
ويـذر فيـه مشكـلات الذواريـح

سهرت لين الفجر بالنـور وضـح
تخالفوا بيـن الأسـواق المواريـح

اسهرني اللي قال فـنٍ علـى صـح
يرتب المسحوب مـا فيـه ترجيـح

احلى من السكر على الطيب والصح
حقد على كبد المصالي كمـا الشيـح

روزه ثقيـلٍ بالموازيـن يـرجـح
ولا تعادلـه الـوزون الطلافـيـح

مير إن بعض الناس بالهرج يفـرح
والهرج ما يبري القلوب المجاريـح

بعض العرب كالثور يضوي ويسرح
ما يفهم إلا قيـل جـفٍ مـع جيـح

ولا الشمس ما تغبي بشاش امـرزح
والبحر ما تلحـق عليـه المياييـح

ولا كيـر حـدادٍ لشعـفٍ ينـافـح
ولا بنفـاض المشبـه كمـا الريـح

إن كان نهر النيـل كمـل وشلفـح
ما عاد يلقي شربـةٍ راعـي السيـح

وما أظن حلم الليل يثبت إلى أصبـح
ولا نصلةٍ تأكـل صقيـل اللواميـح

ولا عـود تنبـاكٍ بريحـان يلقـح
حتى ولو كثـرت عليـه المواديـح

[محمد ال عبدالله بن جاسم]

اشكرك على الموضوع

واحب ازود هالقصه


هذه قصه وسالف طريفه جرت بين الشاعر الكبير حابس المنصوري والشاعر الكبير/ خميس بن سيف الناوي آل بوعينين. رحمهما الله جميعا واسكنهم فسيح جناته

لقد كان الناوي يعمل في بدايه ظهور البترول في المملكه على هاف لوري وكان يقوم بنقل مايشترونه البدو من زاد لهم ايلا ديارهم بمقابل مادي

وهذا ماكانت عليه الحال وكان يرحمه الله رجل يحترمه الجميع وشاعر بمعنى كلمة شاعر وعلى قدر من التواضع والتسامح ورجاحة العقل

فكانت ديار حابس بعيده تقريبا وكان السواق لايريدون ان يذهبو اليها وقد رفضو جميعهم ان يحملو اغراض حابس فاتى حابس للناوي وقال له

ياخميس لاتخليني انا ماعينت احد يوديني لهلي فقال له الناوي ابشر بعزك وكان موتر الناوي قديم وديار حابس تغاريس وعر وبعيد والمويتر يدفدف

فقال ياحابس والله ماني مخليك واللي عند الله عنده لا صلينا الصبح خلك جاهز قال توكل على الله وبيض الله وجهك .

فعند ما صلو صلات الفجر ركبو موترهم وجاوك سارحين وعندك عندك واثناء الرحله غرس الموتر في بحره مايطير طيرها ومن طيب حظهم بنشر

المويتر وكان الناوي كل ماوضع الجيك تحت الشاصي لكي يرفع الموتر انغمس الجيك في الرمل ولم يكن معه شي صلب ليضعه تحت الجيك وكان خويه حابس

لايستطيع ان يساعده باي شي لانه كان كبير فالسن ويقال ان عمره تعدى السبعين وراعي سبيل فجلس يتفرج على صاحبه ويمازحه وصاحبه مهو بصوبه

يحاتي المويتر ومتضايق ولكنه لم يبين له ذلك .

فاخذ الناوي يتلفت يمينا وشمالا فراى راعي غنم قريب منه فتوجه اليه وقال ياولد لاتخليني فقال له ابشر بعزك خذ حمار الغنم وحمل عليه من قوز الصوان

ووصفه محل الصوان وقال له حمل على العير الحصى الصوان وصلح موترك ولا خلصت من العير فكه وهو يدل محله قاله الناوي الله يبض وجهك ويجزاك

الله كل خير فاخذ يقتاد الحمار لكي يحمل عليه وعندما حمله بالحصى ذهب ليصلح موتره ولما اخذ يفك ويربط وشارف على النهايه تقريبا قال له صاحبه ممازحه

يالناوي انا قلت فيك بويت قال شقلت ياحابس قال :

عقب السواقه صرت يالقرم حمار === عودت على شغلتك الاوليه

قال الناوي ماقصرت الله يعطيك العافيه كل ماقلت ياحابس مقبول .وعندما انتهى الناوي من تصليح تاير موتره وركب هو وصاحبه قال شقلت ياحابس قبل شوي فيني

ياخويك قال قلت اللي انت سمعت قال ايه اسمع هجل قاله قل يالناوي

قال الناوي :ركب الحمار بعازته مابها عار === العار دقاق الردى في خويه

قال حابس انا طالبك يالناوي انها تمت قال الناوي تمت ياحابس انت اللي بديت وبيت بيت ولا صار الا كل خير قال حابس هجل ياخوي على الحرام ان تاكل الشحم

[احمد الجاسم]

تشكر على القصايد الطيبة

ومثل هذي القصايد خصوصاً لأجدادنا لابد ان تنشر كلها ويتوالى ذكرها

الله يعطيك العافية , في انتظار جديدك