ارجع وخل العناد

[علي البوعينين]

ارجع وخل العناد

:
:
:


عناق اول ..

ولــ قلوبكم ..


:
:
:







ياقصة سنين ياعشق ٍ نسيته وعاد
.......... يا ساكن ٍ قلب مايهوى سوى المستحيل


يامكحل الليل من عينك بلون السواد
.......... ويا مضحك ٍ سن من حبك ودمه يسيل


من اول ايام زرعي لين وقت الحصاد
.......... وانا اعزم طيور حزني وانتثر لك حصيل


افنيت عمري مـ بين ( ارجع وخل العناد )
.......... ومابين ( تكفى ) وجاه الله تراني دخيل


ماذلك الحب توك يـ عضيد الزناد
.......... يـ اجمل طريقه تخلي شيخ قوم ٍ ذليل


ولا حدك الشوق تسئل ويش معنى الرقاد
.......... ولا قصّر الهم عمرك جعّل عمرك طويل


في كل كبد ٍ رطب اجر ٍ وحتى الجراد
.......... لو ياكل اوراق عمري اعتبرته جميل


عذبتني شوف حالي مـ استروه العباد
.......... يااحلى من اموت لجله واتهم به قتيل


في وسط عيني نخيل ٍ الحزن عاف البراد
.......... وهموم قلبي تناثر فوق رمشي فسيل


كم لي وانا احترق لك وانت كنك جماد
.......... ماحرك الموت قلبك او تشوفه قليل


الموت لو هو قبر ودموع وقت الحداد
.......... ماشفتني مت يومك تشكتي من خليل




:
:
:





مع الجوري

المصدر: منتديات البوعينين الأدبية - من قسم: بوح القصيد

---

hv[u ,og hgukh]

[احمد الجاسم]

صح لسـانك ,,

لا هنت وفي انتظار جديدك الطيب

[محمد ال عبدالله بن جاسم]

صح الله لساانك

ودايما مبدع بما تكتب ..

ويعطيك الف عافيه

[محمد بن خليفة الجاسم]

في وسط عيني نخيل ٍ الحزن عاف البراد ....... وهموم قلبي تناثر فوق رمشي فسيل

صح الله لسانك ..